Яхши янгилик: Муроджон Аҳмадалиев — Наоя Иноуэ жанги бўйича музокаралар муваффақиятли якунланди
Бошқа спорт турлари
Sports24.uz'ни Google'га қўшиш
Расм: kknews.uz Муроджон Аҳмадалиев
Matchroom Boxing промоутерлик компанияси раҳбари Эдди Ҳирн — ўзбекистонлик боксчи Муроджон Аҳмадалиев манфаатларини ҳимоя қилувчи ташкилот раҳбари — жапон чемпион Наоя Иноуэга қарши жангни уюштириш бўйича музокаралар якунланганини маълум қилди.
«Ниҳоят келишувга эришдик. Uzbek Power vs Monster. Бу - дивизиондаги энг кучли жанг», — деб ёзди Ҳирн ижтимоий тармоқдаги саҳифасида.
The Ring нашрининг маълум қилишича, чемпионлик камарлари учун жанг 14 сентябр куни Токио шаҳрида ўтказилиши режалаштирилган.
Эслатиб ўтамиз, 4 май куни Иноуэ Лас-Вегасда америкалик Рамон Карденасга қарши жанг қилади. Аҳмадалиев ҳам май ойи давомида рингга қайтишни режалаштирган.
Бакрадзе Иман
Редактор