Yaxshi yangilik: Murodjon Ahmadaliyev — Naoya Inoue jangi bo‘yicha muzokaralar muvaffaqiyatli yakunlandi

Boshqa sport turlari 02 may 2025 da 00:55

Bakradze Iman

Redaktor

Matchroom Boxing promouterlik kompaniyasi rahbari Eddi Hearn — o‘zbekistonlik bokschi Murodjon Ahmadaliyev manfaatlarini himoya qiluvchi tashkilot rahbari — yapon chempioni Naoya Inouega qarshi jangni uyushtirish bo‘yicha muzokaralar yakunlanganini ma’lum qildi.

«Nihoyat kelishuvga erishdik. Uzbek Power vs Monster. Bu — diviziondagi eng kuchli jang», — deb yozdi Hearn ijtimoiy tarmoqdagi sahifasida.

The Ring nashrining ma’lum qilishicha, chempionlik kamar(lar)i uchun jang 14 sentabr kuni Tokio shahrida o‘tkazilishi rejalashtirilgan.

Eslatib o‘tamiz, 4 may kuni Inoue Las-Vegasda amerikalik Ramon Kardenasga qarshi jang qiladi. Ahmadaliyev ham may oyi davomida ringga qaytishni rejalashtirgan.