Волейбол тўгараклари бугунги кунда ёшлар орасида катта қизиқиш уйғотмоқда
Наманган вилояти Янгиқўрғон туманидаги 63-волейболга ихтисослаштирилган умумтаълим мактабида юритилаётган волейбол тўгараклари бугунги кунда ёшлар орасида катта қизиқиш уйғотмоқда.
Машғулотлар малакаи муроббийлар томонидан замонавий услубда олиб борилиб, ўқувчиларнинг жисмоний тайёргарлиги, техник ва тактик кўникмаларини ривожлантиришга алоҳида эътибор қаратилмоқда. Тўгаракларда иштирок этаётган ёш спортчилар волейбол сир-асрорларини ўрганиб, келажакда туман, вилоят ва республика миқёсидаги мусобақаларда муносиб иштирок этишлари учун пухта тайёрланмоқда.
Ўзбекистон Волейбол Федерацияси томонидан республикамизнинг 208 та шаҳар ва туманларида ана шундай ихтисослаштирилган волейбол мактабларини ташкил этиш режалаштирилган бўлиб, бу ташаббус ёшлар спортни оммалаштириш ва иқтидорли спортчиларни кашф этишга хизмат қилади.
