Voleybol toʻgaraklari bugungi kunda yoshlar orasida katta qiziqish uygʻotmoqda
Namangan viloyati Yangiqoʻrgʻon tumanidagi 63-voleybolga ixtisoslashtirilgan umumtaʼlim maktabida yuritayotgan voleybol toʻgaraklari bugungi kunda yoshlar orasida katta qiziqish uygʻotmoqda.
Mashgʻulotlar malakali murabbiylar tomonidan zamonaviy uslubda olib borilib, oʻquvchilarning jismoniy tayyorgarligi, texnik va taktik koʻnikmalarini rivojlantirishga alohida eʼtibor qaratilmoqda. Toʻgaraklarda ishtirok etayotgan yosh sportchilar voleybol sir-asrorlarini oʻrganib, kelajakda tuman, viloyat va respublika miqyosidagi musobaqalarda munosib ishtirok etishlari uchun puxta tayyorlanmoqda.
Oʻzbekiston Voleybol Federatsiyasi tomonidan respublikamizning 208 ta shahar va tumanlarida ana shunday ixtisoslashtirilgan voleybol maktablarini tashkil etish rejalashtirilgan bo‘lib, bu tashabbus yoshlar sportini ommalashtirish va iqtidorli sportchilarni kashf etishga xizmat qiladi.
