Волейбол. 2008–2010 йилларда туғилган ўсмирлар ўртасида “Қизилтепа тумани ИИБ бошлиғи кубоги” мусобақаси бўлиб ўтди
Қизилтепа туманида жойлашган Архитектура ва қурилиш техникуми спорт залида волейбол бўйича 2008–2010 йилларда туғилган ўсмирлар ўртасида “Қизилтепа тумани ИИБ бошлиғи кубоги” мусобақаси бўлиб ўтди.
Ушбу мусобақа ёшлар ўртасида соғлом турмуш тарзини тарғиб қилиш, волейбол спорт турини янада оммалаштириш, иқтидорли спортчиларни аниқлаш ҳамда ёшларни жисмонан чиниқтириш мақсадида ташкил этилди.
Мусобақада Қизилтепа туманидаги таълим муассасалари ва спорт жамоалари иштирок этиб, ўйинлар юқори савияда, қизғин ва муросасиз баҳслар остида ўтди. Ёш спортчилар ўз маҳоратлари, жамоавий ўйин услуби ва ғалабага бўлган интилишларини намоён этишди.
Мусобақа якунида ғолиб ва совриндор жамоаларга Қизилтепа тумани ИИБ бошлиғи кубоги, диплом ҳамда эсдалик совғалари топширилди.
