Voleybol. 2008–2010 yillarda tug‘ilgan o‘smirlar o‘rtasida “Qiziltepa tumani IIB boshlig‘i kubogi” musobaqasi bo‘lib o‘tdi
Qiziltepa tumanida joylashgan Arxitektura va qurilish texnikumi sport zalida voleybol bo‘yicha 2008–2010 yillarda tug‘ilgan o‘smirlar o‘rtasida “Qiziltepa tumani IIB boshlig‘i kubogi” musobaqasi bo‘lib o‘tdi.
Ushbu musobaqa yoshlar o‘rtasida sog‘lom turmush tarzini targ‘ib qilish, voleybol sport turini yanada ommalashtirish, iqtidorli sportchilarni aniqlash hamda yoshlarni jismonan chiniqtirish maqsadida tashkil etildi.
Musobaqada Qiziltepa tumanidagi ta’lim muassasalari va sport jamoalari ishtirok etib, o‘yinlar yuqori saviyada, qizg‘in va murosasiz bahslar ostida o‘tdi. Yosh sportchilar o‘z mahoratlari, jamoaviy o‘yin uslubi va g‘alabaga bo‘lgan intilishlarini namoyon etishdi.
Musobaqa yakunida g‘olib va sovrindor jamoalarga Qiziltepa tumani IIB boshlig‘i kubogi, diplom hamda esdalik sovg‘alari topshirildi.
