VI Бутунжаҳон кўчманчилар ўйинларида умумжамоа ҳисобида 5-ўринни эгалладик
VI Бутунжаҳон кўчманчилар ўйинларида умумжамоа ҳисобида 5-ўринни эгалладик
31 август – 7 сентябрь кунлари Қирғиз Республикаси мезбонлик қилган VI Бутунжаҳон кўчманчилар ўйинлари ўз якунига етди.
Дунёнинг 100 га яқин мамлакатидан келган 3 000 нафардан зиёд спортчи этноспортнинг 43 та тури бўйича баҳс олиб борган мазкур комплекс мусобақада Ўзбекистон спорт делегацияси ҳам катта таркибда иштирок этди.
Мусобақада мамлакатимиз вакиллари 32 спорт йўналишида, жумладан, мас-рестлинг, самбо, армрестлинг, кураш, белбоғли кураш, баҳодирлар ўйини, улоқ-кўпкари, бел олиш ва учкураш, камондан отиш, от спорти, сумо, ақлий ўйинлар, Ўзбек жанг санъати каби спорт турларида юртимиз шарафини ҳимоя қилди.
Якунда Ўзбекистон спорт делегацияси 4 та олтин, 4 та кумуш, 11 та бронза медали билан умумжамоа ҳисобида 5-ўринни эгаллади.
Эслатиб ўтамиз, мусобақада самбочимиз Зуфарбек Уралов кумуш медални қўлга киритди.
