Велоспорт. Профессионал фаолиятини якунлаган Забелинская ҳали-ҳамон барчани лол қолдирмоқда.

Саудия Арабистонида давом этаётган Осиё чемпионати доирасида Women Masters пойгалари ҳам ўтказилмоқда.

Унда 45+ ёшдаги иштирокчилар ғолиблик учун кураш олиб бормоқда. Қувонарлиси, профессионал фаолиятини якунлаган ва Ўзбекистон аёллар терма жамоасига устозлик қилаётган Ольга Забелинская мазкур пойгаларда иштирок этиб, 2 та олтин медални ўз ҳисобига ёзиб қўйди.

Аввалига, Ольга 46,8 км масофага индивидуал пойгада 01:22:25 натижа билан барчани ортда қолдирди. Кейинчалик, индивидуал вақт пойгасида ҳам Забелинскаяга тенг келадигани топилмади. Ҳамюртимиз 15,8 км масофада ўтказилган беллашувда 00:22:40 натижа билан яна бир олтин медалга эга чиқди.

Ажойиб натижа билан Ольга Забелинскаяни табриклаймиз!

Иброҳим Жалолов

Редактор