Велоспорт. Осиё чемпионати: спортчиларимиз пара велотрек баҳсларини ҳам пешқадам сифатида якунлашди
Филиппиннинг Тагейтей шаҳрида олти кун давом этган пара велоспортнинг трек йўналиши бўйича Осиё чемпионати ўз ниҳоясига етди.
Қитъамизнинг 11 та мамлакатидаги жами 80 нафарга яқин спортчи иштирок этган қитъа биринчилигида ҳамюртимизлар 12 та олтин, 10 та кумуш ва 7 та бронза, жами 29 та медални қўлга киритиб, мусобақани умумжамоа ҳисобида биринчи ўринда якунлашди. Батафсил:
Олтин:
Рухшона Ёқуббоева (C3, гит пойгаси, чиқариб юбориш пойгаси, спринт пойгаси, скретч пойгаси ва вақт пойгаси)
Камола Нуриллаева (C4, гит пойгаси, чиқариб юбориш пойгаси, спринт пойгаси, скретч пойгаси ва вақт пойгаси)
Азимбек Абдуллаев (C5, скретч пойгаси)
Жамоавий спринт дастурида.
Кумуш:
Нурдаулет Мирзабаев (C3, гит пойгаси, чиқариб юбориш пойгаси, спринт пойгаси, скретч пойгаси ва вақт пойгаси)
Жавлонбек Абдуллажонов (C2, чиқариб юбориш пойгаси ва спринт пойгаси)
Аброp Иброимов (C4, чиқариб юбориш пойгаси ва спринт пойгаси)
Боймурод Явқочев (C5, вақт пойгаси).
Бронза:
Аброp Иброимов (C4, гит пойгаси, скретч пойгаси ва вақт пойгаси)
Азимбек Абдуллаев (C5, чиқариб юбориш пойгаси ва вақт пойгаси)
Жавлонбек Абдуллажонов (C2, гит пойгаси, вақт пойгаси).
Таъкидлаш жоиз, пара велоспорт бўйича терма жамоамиз феврал ойида Саудия Арабистони мезбонлик қилган пара велошоссе бўйича Осиё чемпионатида ҳам энг яхши натижани қайд этганди.
