Велоспорт бўйича Ўзбекистон жамоаси Осиё чемпионатини медаль билан бошлади
Велоспорт бўйича Ўзбекистон жамоаси Осиё чемпионатини медаль билан бошлади.
Филиппин давлатида старт олган трек бўйича Осиё чемпионати биз учун медаль билан бошланди. Ёш қизлар ўртасида бўлиб ўтган биринчи кунги дастур пойгасида терма жамоамиз бронза медални қўлга киритди. Қайд этиш керак, бу тарихий медаль. Сабаби, бунга қадар Ўзбекистон терма жамоаси Осиё чемпионатлари доирасида жамоавий йўналишда шоҳсупадан жой олмаган эди. Маълумот учун, 4 км масофада ўтган “Team Pursuit” дастури техник жиҳатдан анча мураккаб пойгалардан бири ҳисобланади.
Мазкур беллашувда – Екатерина Макарочкина, Гулхаё Сатторова, Роксана Ҳикматова ҳамда Дилнурахон Мирзавалиева терма жамоамиз шарафини ҳимоя қилди. Илк медаль билан қизларни табриклаймиз ва олдинда турган баҳсларда ҳам омад тилаймиз.
