Велоспорт бўйича Ўзбек спортчилари Жаҳон чемпионатида икки олтин медални қўлга киритишди
Велоспорт бўйича Ўзбек спортчилари Жаҳон чемпионатида икки олтин медални қўлга киритишди.
АҚШнинг Алабама штати, Хантсвилл шаҳрида 4–7-сентябрь кунлари пара велоспортнинг шоссе йўналиши бўйича Жаҳон чемпионати бўлиб ўтмоқда. Дилмурод Сиддиқов ҳамда Рената Байметова қўл остида ҳаракат қилаётган иродали велопойгачиларимиз баҳсларни кўтаринки руҳда бошлаб олишди. Мусобақанинг илк кунидаёқ 🇺🇿Ўзбекистон терма жамоаси вакиллари иккита олтин медални қўлга киритди.
Покиза Аҳмадбекова Ҳ1 классида, Маржона Пардабоева эса Т1 классида жаҳон чемпиони бўлди.
Бу ғалабалар спортчиларимизнинг юксак маҳорати, кучли иродаси ва тинимсиз меҳнати самараси, албатта. Шу билан бирга, мамлакатимизда пара спорт ва ногиронлиги бўлган шахсларни қўллаб-қувватлаш, уларнинг спорт билан шуғулланиши ва ўз салоҳиятини намоён этиши учун яратилаётган имкониятларнинг амалий натижасидир.
Икки олтин медал. Икки жаҳон чемпиони. Бир байроқ — 🇺🇿Ўзбекистон!
Покиза Аҳмадбекова ва Маржона Пардабоевани ушбу улкан ғалаба билан муборакбод этамиз. Янги зафарлар муборак бўлсин!
