«Uzbekistan Judo Tour» тўртта вазнда кучлиларни саралади
2025 йил ҳисобидан сўнггиси ҳисобланган «Uzbekistan Judo Tour» мусобақасининг Тошкент шаҳар босқичи ўз якунига етди.
Мукофот жамғармаси 200 миллион сўмни ташкил этган мусобақа пойтахтимизнинг "Олимпия" шаҳарчасидаги яккакураш спорт турларига ихтисослаштирилган аренасида ўтказилди. Тўртта вазн тоифасида ўтган муросасиз беллашувлар якунида Анваржон Иброҳимов (-66 кг), Низомиддинхўжа Тошпо‘латов (-73 кг), Амир-Саид Жейлиев (+90 кг) ва Ирисхон Қурбонбоева чемпионлик шоҳсупасига кўтарилди.
Тошкент вилояти терма жамоаси 1 тадан олтин, кумуш ва бронза медали билан умумжамоа ҳисобида биринчи ўринни эгаллади. Бухоролик дзюдочилар 1 та олтин ва 1 та кумуш медал билан иккинчи ўринни банд этишган бўлса, 1 тадан олтин ва бронза медалига эга чиққан Хоразм вилояти кучли учликка ясаб берди.
