Ута Абе Диёра Келдиёровага “чақириқ” ташлади
Жорий йилда Диёра Келдиёрова спортдан вақтинча танаффус олиши аниқ, чунки у яқин кунларда она бўлиши кутилмоқда. Эслатиб ўтамиз, Токио-2020 Олимпиадаси чемпиони, япониялик Ута Абе Париж-2024 мусобақасининг иккинчи даврасида айнан Келдиёровадан мағлуб бўлганди. Бу мағлубият уни ҳануз ташвишлантираётгани яққол сезилмоқда.
Икки кун аввал Венгрияда бўлиб ўтган жаҳон чемпионатида Абе бешинчи бор жаҳон чемпиони унвонини қўлга киритди. Шундан сўнг у интервьюда ўз аламини яширмади:
“Олимпиададан анча вақт ўтди, лекин мен ўшанда медални жуда ҳам хоҳлагандим. Келдиёрованинг бу чемпионатда қатнашмаганидан афсусландим. Умид қиламанки, у қайтади. Шунда мен ундан реванш оламан”, — деди Ута Абе.
Диёра Келдиёрованинг яқинда она бўлишини инобатга олсак, унинг 2026 йилда татамига қайтиши қийин. Эҳтимол, у 2027 йилнинг ўрталарида Лос-Анжелес–2028 Олимпиадасига тайёргарликни бошлар.
