Усмон Нурмагомедовнинг навбатдаги жангги тасдиқланди
Американинг PFL промоушени 7 феврал куни Дубайда (БАА) ўтказиладиган жанг кечасини эълон қилди. Асосий баҳсда енгил вазн (70 кг гача) чемпиони, ҳали мағлубиятга учрамаган россиялик Усмон Нурмагомедов британлик Алфи Дэвисга қарши октагонга кўтарилади.
Алфи Дэвис — 33 ёшда. Британлик жангчи 2014 йилда профессионал ММАда дебют қилган, 2024 йилдан бери PFLда иштирок этади. Унинг сўнгги жангги август ойида бўлиб ўтган ва у россиялик Гаджи Рабадановни ҳакамларнинг якдил қарори билан мағлуб этиб, Гран-прий ғолиби бўлган.
Усмон Нурмагомедов — 27 ёшда. Россиялик жангчи 2017 йилда профессионал ММАда дебют қилган, 2024 йили PFLга қўшилган. Унинг сўнгги жангги октябр ойида ирландиялик Пол Хьюзга қарши реванш баҳси бўлган ва унда Усмон очколар ҳисобига кўра зафар қучган.
