Урганч шаҳрида янги спорт майдончаси фойдаланишга топширилди
Бугун Урганч шаҳрининг “Янги Ўзбекистон” маҳалласи ҳудудида жойлашган 28-сонли умумтаълим мактабида замонавий стритбол ва воркаут майдончасининг тантанали очилиш маросими бўлиб ўтди.
“Ташаббусли спорт” электрон платформаси орқали аҳолининг кўпчилик овози асосида танлаб олинган мазкур лойиҳа Спорт вазирлиги томонидан қуриб фойдаланишга топширилди.
Янги спорт майдончаси маҳалла ёшлари, ўқувчилар ҳамда мактаб жамоаси учун катта туҳфа бўлиб, уларнинг бўш вақтини мазмунли ўтказиши, соғлом турмуш тарзини йўлга қўйиши ва спорт билан мунтазам шуғулланиши учун кенг имконият яратади.
Очилиш маросимида Хоразм вилояти Спорт бошқармаси, вилоят Мактабгача ва мактаб таълими бошқармаси ҳамда шаҳар ҳокимлиги вакиллари, маҳалла фаоллари ва ёшлар иштирок этишди.
