Умида Омонова Жаҳон кубоги 3-босқичининг энг яхши шахматчиси деб эътироф этилди
Ўзбекистонлик шахматчи тўртинчи босқичга чиқди ва ташкилотчилар томонидан алоҳида эътирофга сазовор бўлди
Бошқа спорт турлари
Sports24.uz'ни Google'га қўшиш
Расм: Olamsport.uz
Айни пайтда Грузиянинг Батуми шаҳрида аёллар ўртасидаги FIDE Жаҳон кубоги баҳслари давом этмоқда. Ушбу нуфузли мусобақада Ўзбекистон терма жамоасидан уч нафар шахматчи иштирок этди.
Гулруҳбегим Тоҳиржонова ва Афруза Ҳамдамова иккинчи босқичда кучли рақибаларга қарши тай-брекда мағлуб бўлиб, мусобақани тарк этди.
Истеъдодли шахматчимиз Умида Омонова эса бирин-кетин рақибаларини мағлуб этиб, Жаҳон кубогининг тўртинчи босқичига йўл олди.
Қувонарлиси, ташкилотчилар томонидан Умида учинчи босқичнинг энг яхши шахматчиси сифатида эътироф этилди. У Марказий Осиё дербисида қозоғистонлик Элназ Калиахметни тай-брексиз, 1,5:0,5 ҳисобида мағлуб этганди.
Эртага, 16 июл куни Умида Омонова навбатдаги босқичда Хитой гроссмейстери Лэй Тинцзега қарши беллашади.
Бакрадзе Иман
Редактор