Умар Кремлёв раҳбарлигидаги IBA қўлқопсиз жанглар Лигасини ишга туширди

Бошқа спорт турлари 09 май 2025 да 02:45

Бакрадзе Иман

Редактор

Халқаро бокс ассоциацияси (IBA) президенти Умар Кремлёв ва қўлқопсиз жанглар соҳасида машҳур ташкилотчи Алфредо Аудиторе ушбу йўналишда янги Лига таъсис этилганини маълум қилишди.

Бу ҳақда Кремлёв ўзининг ижтимоий тармоқдаги саҳифасида хабар берди.

“Сизлар билан хуш хабар улашаман. Биз IBA Bare Knuckle номли янги йўналишни бошлаяпмиз. Бу лойиҳа доирасида қўлқопсиз жанглар учун махсус майдон яратилади”, — деди Кремлёв.

Аудиторе эса шундай изоҳ берди: “Бу — жуда юқори даражадаги мусобақалар бўлади. Биз бошқалар амалга ошира олмаган жангларни ташкил этамиз”.