Улан-Батор-2026 Осиё чемпионатини 11 та медал билан кучлилар қаторида якунладик
Мўғулистон пойтахтида таэквондо WT бўйича тўрт кун давом этган катталар ўртасидаги қитъа биринчилиги ўз ниҳоясига етди.
Мусобақанинг сўнгги кунида вакилларимиздан Мадина Мирабзалова (-57 кг), Диёрбек Тўхлибоев (-68 кг) ҳамда Жасурбек Жайсунов (-80 кг) шоҳсунага кўтарилди. Таэквондочиларимиз ҳисобига яна 3 та кумуш медал қўшилди.
Шу тарзда, миллий терма жамоамиз бу сафарги Осиё чемпионатини 2 та олтин, 5 та кумуш ва 4 та бронза медаллари билан якунлашди.
Олтин:
Озода Собиржонова (-67 кг)
Светлана Осипова (+73 кг).
Кумуш:
Мадина Мирабзалова (-57 кг)
Диёрбек Тўхлибоев (-68 кг)
Жасурбек Жайсунов (-80 кг)
Ёдгорбек Жўрабоев (-87 кг)
Марат Мавлонов (+87 кг).
Бронза:
Жаҳонгир Худойбердиев (-54 кг)
Омонжон Отажонов (-58 кг)
Назарали Назаров (-63 кг)
Нажмиддин Қосимхожиев (-74 кг).
