Қуйи Чирчиқда замонавий универсал спорт майдончаси фойдаланишга топширилди
Спорт вазирлиги ташаббуси билан Тошкент вилояти Қуйи Чирчиқ тумани “Гул” маҳалласида универсал спорт майдончаси қурилиб, фойдаланишга топширилди.
Янги иншоотнинг очилиш маросими кўтаринки руҳда ўтказилди. Тадбирда маҳалла фахрийлари, спорт мактаби раҳбарияти, ёшлар, жамоат фаоллари ва туман ҳокимлиги вакиллари иштирок этиб, ушбу спорт майдончасининг аҳамияти ҳақида фикр билдирди. Сўзга чиққанлар мазкур иншоот ёшлар ўртасида спорт ва жисмоний тарбия билан шуғулланишни оммалаштириш, соғлом турмуш тарзини кенг тарғиб этишда муҳим омил бўлишини таъкидлади.
Очилиш маросими давомида ёшларга майдончадан унумли фойдаланиш, уни асраб-авайлаш, жамоавий спорт тадбирларини мунтазам ташкил этиш ҳамда соғломлаштирувчи машғулотларда фаол қатнашиш бўйича тавсиялар берилди.
