UFC on ESPN 70. Деррик Льюис рақибини 38-сониясидаёқ техник нокаутга учратди
Бугун тонгда АҚШнинг Нэшвилл шаҳри кардида 12 та жанг бўлган навбатдаги UFC турнирига мезбонлик қилди.
UFC on ESPN 70 оқшомининг асосий жанги оғир вазн тоифасида ўтказилиб, унда камар учун собиқ даъвогар америкалик Деррик Льюис бразилиялик мағлубият нималигини билмай келаётган нокаутчи Таллисон Тейшейрани биринчи раунднинг 38-сониясидаёқ техник нокаутга учратди. Аммо ҳакамнинг эртароқ жангни тўхтатгани рақиб мураббийлари ва аренага йиғилган мухлисларнинг норозиликларига сабаб бўлди.
Турнирнинг co-main event жанги яримўрта вазнда UFC камари учун собиқ даъвогар Стивен Томпсон ҳамда Габриэль Бонфим ўртасида кечди. Уч раунд тўлиқ давом этган тўқнашувда Стивен ҳакамларнинг қарори билан, яъни очколар ҳисобига кўра мағлубиятга учради. Бу унинг кетма-кет учинчи мағлубияти бўлди.
