UFC Fight Night 265. Сарукян ва Ҳукер ўртасидаги жанг иккинчи раундда якунланди
Арманистонлик жангчи Арман Сарукян Доха (Қатар) мезбонлик қилган UFC Fight Night 265 турнирида янги зеландиялик Ден Ҳукер устидан муддатидан аввал ғалаба қозонди.
Ёнгил вазн тоифасида ташкил этилган жангнинг иккинчи раундида Сарукян рақибини «сабмишен» усули билан таслим этди.
Биринчи раунд тенг курашда кечди — Ҳукер масофадан ишлашга ҳаракат қилди, Сарукян эса клинчда устунликка эришиб, жангни партерга ўтказа олди.
Иккинчи раундга келиб, россиялик жангчи бўғиш усулини муваффақиятли қўллаб, рақибини таслим бўлишга мажбур қилди.
Сарукян (23-3) учун бу бешинчи кетма-кет ғалаба бўлди. У 2024 йил апрелидан бери илк бор октагонга қайтди. Ҳукер (24-13) эса ўзининг уч жанглик ғалабали сериясини тўхтатди.
Ушбу натижадан сўнг Арман Сарукян титул жанги учун номзодлардан бирига айланиши мумкин.
