UFC енгил вазн чемпиони Ислам Махачев чемпионлик камаридан маҳрум бўлиши мумкин
Испаниянинг ABC.es нашри хабарига кўра, UFC енгил вазн чемпиони Ислам Махачев Илия Топурияга қарши жангдан бош тортса, ундан чемпионлик камари олиб қўйилиши мумкин. Аввалроқ россиялик спортчининг жамоаси Топурия билан жангни рад этган эди. Агар яна рад этилса, UFC ташкилоти Махачевни камардан маҳрум қилиб, Илия Топурия ва бразилиялик Чарлз Оливейра ўртасида бўш титул учун жанг ташкил қилади.
Промоушен Ислам Махачевни UFC 317 турнирида иштирок эттиришни режалаштирмоқда. Дрикус Дю Плесси жароҳат олгани сабабли, унинг Хамзат Чимаевга қарши титул учун жанги бекор қилинди. Энди UFC президенти Дана Уайт турнирнинг асосий жангини муносиб рақобат билан алмаштириш йўлини изламоқда.
Ислам Махачев - UFC енгил вазн тоифасида амалдаги чемпион, UFC’нинг вазн тоифасидан қатъи назар етакчи жангчиси. У жанговор самбода икки карра Россия чемпиони (2014, 2016), жаҳон чемпиони (2016) ва халқаро тоифадаги спорт устаси ҳисобланади.
