UFC чемпиони фаолиятини якунлаш ҳақида ўйлаганини тан олди
UFC чемпиони Кейла Харрисон оғир жароҳатдан кейин спортдаги фаолиятини якунлаш ҳақида жиддий ўйлаганини маълум қилди. Америкалик жангчи бўйин қисмидан ўтказилган операция ва узоқ давом этган тикланиш жараёни унинг келажагини сўроқ остига қўйганини тан олди. Бу ҳақда Харрисон Uncrowned нашрига берган интервьюсида айтиб ўтди.
Манбага кўра, спортчининг бўйин умуртқалари билан боғлиқ муаммолари узоқ вақтдан бери давом этган. Жароҳат кучайгач, Харрисоннинг қўлида увишиш ва кучсизлик пайдо бўлган. Шифокорлар унга операция ўтказишга қарор қилган.
Жарроҳлик амалиётидан сўнг жангчи саккиз ҳафта давомида махсус бўйин мосламасини тақишга мажбур бўлган. Харрисон тикланиш жараёни нафақат жисмонан, балки руҳий жиҳатдан ҳам оғир кечганини билдирган. Бироқ ҳозир ўзини яхши ҳис қилаётганини ва яна октагонга чиқишга тайёрлигини таъкидлаган.
Маълумот учун, Кейла Харрисон икки карра Олимпия чемпиони ҳисобланади. У ноябрь ойида UFC 334 турнирида Аманда Нунесга қарши чемпионлик камарини ҳимоя қилиши режалаштирилган. Харрисон ушбу жангдан кейин фаолиятини якунлаш эҳтимолини ҳам инкор этмаган.
