UFC Брайан Бэттл билан хайрлашди

Америкалик жангчи Брайан Бэттл (12-2-1) UFC билан шартномасидан маҳрум бўлди. Бу қарорга унинг вазн тоифасидаги муаммолари ва спортчига хос бўлмаган ҳаракатлари сабаб бўлди.

UFC 319 турнирида ўзбекистонлик Нурсултон Рўзибоевга қарши жанг олдидан Бэттл ўзбекистонлик мухлисларни ҳақорат қилган. Шунингдек, у ўрта вазн мезонига киришни уддалай олмади. Тарозида жангчи 190 фунт кўрсатди — бу эса рекорд даражадаги ортиқча вазн сифатида қайд этилди. Шу боис жанг бекор қилинди.

Бэттлнинг бу каби ҳолатлари илк бор кузатилгани йўқ. 2023 йилда ҳам у Габриэль Грин ва Рэнди Браунга қарши жанглар олдидан лимитдан ошиб кетган эди. Шунга қарамай, ўша учрашувларда ғалаба қозонганди.

Бакрадзе Иман

Редактор