UFC. Аспиналл ва Ган ўртасидаги жанг ўтказилмаган деб топилади
Жангда кутилмаган ҳолат рўй берди.
Бошқа спорт турлари
Sports24.uz'ни Google'га қўшиш
ФОТО: Getty images
Бирлашган Араб Амирликларининг Абу-Даби шаҳридаги Etihad Arena мажмуаси MMA бўйича UFC 321 турнирига мезбонлик қилди.
Мусобақанинг асосий беллашуви оғир вазн тоифасининг англиялик чемпиони Том Аспиналл ҳамда франциялик биринчи рақамли даъвогар Сирил Ган ўртасида ташкил этилди.
Кутилмаганда баҳс биринчи раундда ниҳоясига етди. Ган Аспиналлнинг кўзига бармоқлари билан зарба бериб юборгани оқибатида Том қарийб беш дақиқага яқин вақт ичида ҳам ўзига кела олмади. Бу ҳолатда жанг бекор қилиниб, ўтказилмаган (Но contest) деб эълон қилинди.
Натижада чемпионлик камари эса Аспиналлда қоладиган бўлди.
Розикжон Султонмуродов
Журналист