UFC 325. Волкановски реванш жангида ҳам Лопесни мағлуб этиб, чемпионлик камарини ҳимоя қилди
Австралиянинг Сидней шаҳрида аралаш яккакурашлар бўйича UFC 325 турнири бугун, 1 февраль куни бўлиб ўтди. Турнирнинг марказий жангида UFC ярим енгил вазн тоифасидаги амалдаги чемпион, австралиялик Александр Волкановски рейтингда иккинчи ўринда бораётган бразилиялик Диэго Лопесга қарши октагонга чиқди. Баҳс тўлиқ беш раунд давом этди. Якунда Александр Волкановски ҳакамларнинг бир овоздан чиқарган қарори билан ғалабага эришди.
Маълумот учун, Александр Волкановскига ҳозирда 37 ёш. У UFC’да 2016-йилдан буён жанг қилиб келмоқда ва фаолияти давомида 15 та ғалаба ҳамда 3 та мағлубият қайд этган. Унинг рақиби Диэго Лопес эса 31 ёшда бўлиб, UFC’даги дебютини 2023 йилда амалга оширган. Бразилиялик жангчининг ҳисобида 6 та ғалаба ва 3 та мағлубият бор.
