Уэсли Со — кетма-кет иккинчи йил Синкюфилд Кубоги чемпиони

AҚШ вакили Уэсли Со тай-брейкда ҳиндистонлик Р. Прагананандхани мағлуб этиб, кетма-кет иккинчи йил ва фаолиятида учинчи бор Синкюфилд Кубогининг бош совринини қўлга киритди.

Rapid форматидаги 2 та дурангдан сўнг чемпионлик тақдири Armageddon партиясида ҳал бўлди. Унда қора донларда ўйнаган Уэсли Со керакли дурангга эришиб, бош соврин ҳамда 87 500 доллар мукофот пулига эга бўлди.

Турнирда 9 партияда 5 очко тўплаган Жавоҳир Синдаров герман ёш Винсент Кеймер билан 3-ўринни бўлишиб олди ва 42 500 доллар мукофот пулини қўлга киритди.

Якуний натижалар:
Уэсли Со (AҚШ) — 1-ўрин ($87 500)
Р. Прагананандха (Ҳиндистон) — 2-ўрин ($77 500)
Жавоҳир Синдаров (Ўзбекистон) — 3-ўрин ($42 500)
Винсент Кеймер (Германия) — 3-ўрин ($42 500)

Иброҳим Жалолов

Редактор

0 0 0 0 0 0