Учкўприк туманида спорт мактаби биноси тантанали равишда фойдаланишга топширилди
Фарғона вилояти Учкўприк туманидаги спорт мактаби капиталь таъмирдан сўнг фойдаланишга топширилди. Мазкур лойиҳа Ташаббусли бюджетнинг 2-мавсуми доирасида аҳолининг овози билан ғолиб чиққан бўлиб, унга 1 миллиард 360 миллион сўм маблағ йўналтирилган.
Таъмирланган спорт мактабининг очилиш маросимида туман ҳокими Қудрат Эркабоев, вилоят спорт бошқармаси бошлиғининг ўринбосари Жаҳонгир Марипов, кенг жамоатчилик вакиллари, спортчилар ва мураббийлар қатнашдилар.
Маросимда туман ҳокими мактаб жамоасига рамзий калитни топширди. Шунингдек, қатнашчилар спортчилар учун яратилган шароитлар билан танишдилар.
Тадбирда Қудрат Эркабоевнинг спорт соҳасига қўшган ҳиссаси алоҳида таъкидланиб, унга Ўзбекистон спорт вазирлигининг ташаккурномаси ва эсдалик совғалари топширилди.
