Катта дзюдо байрами иштирокчилари Термизда қарши олинмоқда
Хабар берганимиздек, полвонлар юрти Сурхондарёда 9 май - Хотира ва қадрлаш кунига бағишланган мусобақа бўлиб ўтади.
Эрта тонгда иштирокчиларнинг бир гуруҳи Термиз халқаро аэропортида тантанали равишда кутиб олинди. Меҳмонлар орасида Олимпия ўйинлари совриндорлари Давлат Бобонов, Алишер Юсупов, Музаффарбек Тўрабоев, халқаро мусобақалар ғолиб ва совриндори Шаҳрам Аҳадов сингари таниқли дзюдочиларимизни кўриш мумкин.
Маълумот учун, барча ҳудудларидан келадиган дзюдочилар 4 та вазн (-66, -73, -90, +90 кг) тоифасида ғолиблик учун татамига чиқадилар. Тўхта бобо Қодиров хотирасига бағишлаб ўтказиб келинаётган турнирнинг бу йилги мутлақ вазн (+90 кг) тоифасидаги ғолиби бош соврин - "Cobalt" автомобили эгасига айланади.
Барча мухлисларни 8 май куни Жарқўрғон тумани "Нурли диёр" маҳалласда бўлиб ўтадиган катта дзюдо байрамига таклиф этамиз.
