Туркия Олимпия қўмитасига янги президент сайланди. У собиқ волейболчи

Туркиянинг Истамбул шаҳрида ўтказилган ассамблея йиғилишида Туркия Олимпия қўмитасига янги раҳбар тайинланди. Туркия волеболининг ёрқин вакили Ахмет Гулем Олимпия қўмитасининг янги президенти сифатида иш бошлайди.

Ахмет Гулем 158 та халқаро мусобақада Туркия волейбол терма жамоаси сафида мамлакати шарафини ҳимоя қилган. 22 йиллик профессионал фаолияти давомида Туркиянинг энг кучли жамоалари “Galatasaray” ва “Arçelik” клубларида жамоа сардори бўлган.

2001 йили спортчилик фаолиятини якунлаган Гулем Туркияда спорт маркетингига ихтисослашган “Sportsnet” коммуникация агентлигига асос слоган. Шунингдек у узоқ йиллар Туркия волейбол федерацияси президенти вазифасини бажарган.

Иброҳим Жалолов

Редактор