Турки ал аш-Шейх Муроджон жангидан умидсизми?
Иккинчи енг енгил вазн тоифасида мутлақ жаҳон чемпиони саналган япониялик Наоя Иноуэ 27 декабр куни рингга чиқиши мумкин. Бу ҳақда Саудия Арабистони Кўнгилочар ишлари бўйича бошқарма раиси Турки ал аш-Шейх маълум қилди.
— 27 декабрь куни Иноуэнинг жанги режалаштирилган. Айни пайтда у билан Ален Пикассо ўртасидаги тўқнашувни марказий жанг сифатида расман эълон қилиш арафасидамиз. Кеча Япония ва Мексика боксчилари ўртасидаги йирик жанглардан ташкил топади, — деди Турки.
Қизиғи шундаки, Иноуэ 14 сентябр куни ўзбекистонлик Муроджон Аҳмадалиевга қарши жанг ўтказиши керак. Шунингдек, у аввалроқ Турки ал аш-Шейхга тегишли Riyadh Season бренди билан шартнома имзолаганди.
Ушбу баёнот Туркининг Муроджон билан жангга ишончсизлик билдираётгани ҳақидаги тахминларга сабаб бўлмоқда.
