Turki al ash-Sheykh Murodjon jangidan umidsizmi?

Boshqa sport turlari 25 iyn 2025 da 03:49

Bakradze Iman

Redaktor

Ikkinchi eng engil vazn toifasida mutlaq jahon chempioni sanalgan yaponiyalik Naoya Inoue 27 dekabr kuni ringga chiqishi mumkin. Bu haqda Saudiya Arabistoni Ko'ngilochar ishlari bo'yicha boshqarma raisi Turki al ash-Sheykh ma'lum qildi.

— 27 dekabr kuni Inouening jangi rejalashtirilgan. Ayni paytda u bilan Alen Pikasso o'rtasidagi to'qnashuvni markaziy jang sifatida rasmiy e'lon qilish arafasidamiz. Kecha Yaponiya va Meksika bokschilari o'rtasidagi yirik janglardan tashkil topadi, — dedi Turki.

Qizig'i shundaki, Inoue 14 sentyabr kuni o'zbekistonlik Murodjon Ahmadalievga qarshi jang o'tkazishi kerak. Shuningdek, u avvalroq Turki al ash-Sheykhga tegishli Riyadh Season brendi bilan shartnoma imzolagandi.

Ushbu bayonot Turkining Murodjon bilan jangga ishonchsizlik bildirayotganiga oid taxminlarga sabab bo'lmoqda.