Тошкентда спортнинг санда йўналиши бўйича Ўзбекистон кубоги учрашувлари старт олди
Бугун пойтахтимиздаги “Жар” спорт-соғломлаштириш марказида ушу спорт турининг санда йўналиши бўйича Ўзбекистон кубоги баҳсларига старт берилди
Мусобақанинг дастлабки кунида 7–12, 13-14, 15-17, 18+ ёшли спортчилар ўртасида санда йўналишидаги баҳслар ўтказилмоқда.
Шунингдек, анъанага мувофиқ, беллашувлар олдидан тантанали очилиш маросими бўлиб ўтди. Тадбирда Ўзбекистон Ушу федерацияси раиси Равшан Ғаниев сўзга чиқиб, жорий йилда федерация томонидан эришилган ютуқлар ҳақида сўз юритди.
Тантанали маросимда фахрли меҳмонлар сифатида Хитой Халқ Республикасининг Ўзбекистондаги элчихонаси ҳамда Спорт вазирлиги вакиллари иштирок этдилар.
Мусобақанинг таолу йўналишидаги баҳслари 26-октябр куни бўлиб ўтади. Ушбу босқичда республикамизнинг барча вилоятларидан энг иқтидорли спортчилар ғолиблик учун кураш олиб боришади.
