Тошкентда от юртиш бўйича халқаро турнирлар ўтказилди

Тошкентда от спортининг турли йўналишлари бўйича нуфузли мусобақалар ўтказилмоқда. Бугун от юртиш бўйича CDI3* ва CDI1* тоифасидаги халқаро турнирлар якунланди.

Мусобақа умумий натижаларига кўра Ўзбекистон терма жамоаси мазкур мусобақаларда жами 10 та медални қўлга киритди:
5 та олтин,
2 та кумуш,
3 та бронза.

CDI3* тоифасидаги мусобақанинг катта соврини ҳамюртимиз Алина Шевсовага насиб этди. Спортчимиз “Замперони” лақабли отида Гран-при совринига эга бўлди.

Аҳамиятлиси, Шевсова CDI1* йўналишида ҳам энг юқори балл йиғишга эришди. Ушбу дастурда унга “Носито Де Музе” тулпори ҳамроҳлик қилди. Шунингдек, Феруза Абдуллаева “Лидер” оти билан бронза медалига сазовор бўлди.

Розикжон Султонмуродов

Журналист