Toshkentda ot yoʻrttirish boʻyicha xalqaro turnirlar oʻtkazildi

Toshkentda ot sportining turli yoʻnalishlari boʻyicha nufuzli musobaqalar oʻtkazilmoqda. Bugun ot yoʻrttirish boʻyicha CDI3* va CDI1* tasnifidagi xalqaro turnirlar yakunlandi.

Musobaqa umumiy natijalariga koʻra O‘zbekiston terma jamoasi mazkur musobaqalarda jami 10 ta medalni qo‘lga kiritdi:
5 ta oltin,
2 ta kumush,
3 ta bronza.

CDI3* tasnifidagi musobaqaning katta sovrini hamyurtimiz Alina Shevsovaga nasib etdi. Sportchimiz “Zamperoni” laqabli otida Gran-pri sovriniga ega chiqdi.

Ahamiyatlisi, Shevsova CDI1* yoʻnalishida ham eng yuqori ball jamgʻarishga erishdi. Ushbu dasturda unga “Nosito De Muze” tulpori hamrohlik qildi. Shuningdek, Feruza Abdullayeva “Lider” oti bilan bronza medaliga sazovor boʻldi.

Roziqjon Sultonmurodov

Jurnalist