Тошкентда халқаро тоифадаги турнирлар муваффақиятли ўтказилди
Мазкур нуфузли мусобақаларда 8 та давлатдан жами 20 нафар шахматчи иштирок этди.
Бошқа спорт турлари
Sports24.uz'ни Google'га қўшиш
Фото: Chess Uzbekistan
Жорий йилнинг 27-март – 3-апрель кунлари Тошкент шаҳрида халқаро спорт устаси ҳамда халқаро гроссмейстер унвонлари учун нормативларни бажаришга қаратилган “Tashkent GM Round Robin” ва “Tashkent IM Round Robin” турнирлари бўлиб ўтди.
Мазкур нуфузли мусобақаларда 8 та давлатдан жами 20 нафар шахматчи иштирок этди. Турнирлар давра тизимида, 9 турдан иборат шаклда ташкил этилди ва юқори савияда, муросасиз баҳсларга бой тарзда ўтказилди.
Ушбу турнирларда ҳамюртларимиз юқори натижаларни қайд этди. Жумладан, Ботиралиев Абдумажид “Tashkent IM Round Robin” мусобақасида 1-ўринни эгаллаб, +147 рейтинг очкосини қўлга киритди.
Шунингдек, яна бир вакилимиз Матякубов Миразиз халқаро спорт устаси (IM) нормативини муваффақиятли бажарди.
Розикжон Султонмуродов
Журналист