Тошкент вилоятида волейболни ривожлантириш масалаларига бағишланган йиғилиш бўлиб ўтди

Тошкент вилоятида Ички ишлар идоралари вакиллари, волейбол тренерлари, вилоят спорт бошқармаси, шунингдек, Ўзбекистон волейбол федерацияси раисининг ўринбосари Файзиев Жамшид Шукруллоевич ва вилоят спорт бошқармаси бошлиғи Бобоқулов Рустам Сувонқулович иштирокида онлайн йиғилиш ташкил этилди.

Йиғилиш давомида вилоятда волейбол спорт турини янада ривожлантириш, қулай шарт-шароитлар яратиш, ўқув-йиғин машғулотларини ташкил этиш масалалари атрофлича муҳокама қилинди.

Шунингдек, ҳар бир туман умумтаълим мактабларида волейбол тўгаракларини йўлга қўйиш, туман терма жамоаларини шакллантириш ҳамда иқтидорли ёш спортчиларни аниқлаш, селекция жараёнини самарали ташкил этиш бўйича аниқ топшириқлар берилди.

Иброҳим Жалолов

Редактор