Toshkent viloyatida voleybolni rivojlantirish masalalariga bag‘ishlangan yig‘ilish bo‘lib o‘tdi
Toshkent viloyatida Ichki ishlar idoralari vakillari, voleybol trenerlari, viloyat sport boshqarmasi, shuningdek, O‘zbekiston voleybol federatsiyasi raisi o‘rinbosari Fayziyev Jamshid Shukrulloyevich va viloyat sport boshqarmasi boshlig‘i Boboqulov Rustam Suvonqulovich ishtirokida onlayn yig‘ilish tashkil etildi.
Yig‘ilish davomida viloyatda voleybol sport turini yanada rivojlantirish, qulay shart-sharoitlar yaratish, o‘quv-yig‘in mashg‘ulotlarini tashkil etish masalalari atroflicha muhokama qilindi.
Shuningdek, har bir tuman umumta’lim maktablarida voleybol to‘garaklarini yo‘lga qo‘yish, tuman terma jamoalarini shakllantirish hamda iqtidorli yosh sportchilarni aniqlash, seleksiya jarayonini samarali tashkil etish bo‘yicha aniq topshiriqlar berildi.
