Тошкент шаҳрида бадминтон бўйича U-13 ва U-15 ўғил болалар ҳамда қизлар ўртасида шахсий-жамоавий Ўзбекистон кубоги бошланди
Ўзбекистон Республикаси Спорт вазирлигининг 2025 йилги спорт ва оммавий жисмоний тарбия тадбирлари календар режасига асосан, Тошкент шаҳрида бадминтон бўйича U-13 ва U-15 ўғил болалар ҳамда қизлар ўртасида шахсий-жамоавий Ўзбекистон кубоги бошланди.
Пойтахтимиздаги “Бадминтон маркази”да ўтказилаётган мусобақада 14 та жамоа қатнашмоқда. Хоразм вилояти терма жамоаси 12 нафар спортчидан ташкил топган бўлиб, 10 нафари СЎТЕАИСМ (тренерлар Мансур Мадримов, Абдулла Абдуллаев) ва 2 нафари Ҳазорасп СМ (тренер Хуршид Якубов) тарбияланувчиларидир.
Хоразмликлар жамоавий биринчиликнинг А-группасига Қорақалпоғистон республикаси, Сирдарё, Фарғона, Бухоро, Самарқанд ва Сурхондарё вилоятлари жамоаларига қарши кортга чиқишади.
Бугун ёш бадминтончилар Самарқанд, Бухоро ва Фарғона вилоятлари вакиллари билан куч синашиб, учаласини ҳам бир хил, 3:0 ҳисобида мағлуб этишди.
