Топурия Махачевга жавоб берди: Навбатга тур!
Ислам Махачев ва Илия Топурия ўртасидаги эҳтимолий супержанг ҳозирча амалга ошмаган бўлса-да, бундай тўқнашув келажакда рўй бериши мумкин. Лекин бунинг ўз шартлари бор.
Грузиялик жангчи Топуриянинг сўзларига кўра, бу жанг фақат бир ҳолатда амалга ошади: агар у енгил вазнда UFC’нинг бўш турган чемпионлик камарини қўлга киритса, Махачев эса яримўрта вазнда ўз режасини амалга ошириб, қайта енгил вазнга тушса. Шунда ҳам россиялик бирдан титул учун эмас, балки навбат асосида жанг қилиши мумкин бўлади.
«Ислам аввал ҳаммага қаршича баёнотлар бериб келган. Яқинда у “яримўрта вазнга ўтишим муҳим эмас, чемпионлик камарини сақлаб қоламан” деди. Мен эса ўшанда: “енгил вазнга чиқмайман, чунки яримўрта вазн менга тегишли”, деганман. Нима бўлди? Ким ўз сўзида турди? Мен! Шундай экан, у энди навбатга туради. Фурсати келса — курашади. Аммо бу навбат анча узун бўлади», — деди Топурия Испаниядаги матбуот анжуманида.
Эслатиб ўтамиз, Топурия 28 июнь куни Лас-Вегасдаги UFC 317 турнирида Чарлз Оливейрага қарши жанг қилиб, вакант камар учун баҳс олиб боради. Махачев эса яримўрта вазннинг янги чемпиони — австралиялик Жек Делла Маддаленага қарши жанг ўтказиши мумкин, лекин бу жанг ҳозирча расман эълон қилинмаган.