Темиров — Алмабаев жанги ғолибига UFCдаги муҳим жанг таклиф этилди
Австралиялик Кай Кара-Франс UFC чемпионлик камари учун Алешандре Пантожага мағлуб бўлгандан сўнг, у ўз фаолиятини давом эттириш учун янги рақиб изламоқда. Sports.kz сайти Cagesidepress.com нашрига таянган ҳолда хабар беришича, унга Асу Алмабаев ва Рамазон Темиров ўртасидаги жанг ғолиби билан тўқнашиш таклиф этилган.
“Кай учун энг мақбул вариант — Алмабаев ва Темиров жанги ғолиби билан жанг қилиш. Бу беллашув 26 июль куни ўтади, вақт жиҳатидан ҳам мос келади. Асу рейтингда 8-ўринда, Рамазон эса 13-ўринни эгаллаб турибди. Кайни ушбу ғолиб билан тўқнаштириш орқали UFC элитасига янги номлар қўшилиши мумкин. Шунингдек, бу жанг марказий тўқнашув сифатида ҳам қизиқарли бўлади”, — деб ёзади манба.
Манба таъкидлашича, Кара-Франснинг эҳтимолий рақиблари сифатида Асу Алмабаев ва Рамазон Темиров жанги ғолиби ёки Манел Капе номзод сифатида кўрилмоқда.
