Temirov — Almabayev jangi g‘olibiga UFCdagi muhim jang taklif etildi

Boshqa sport turlari 02 iyl 2025 da 02:05

Bakradze Iman

Redaktor

Avstraliyalik Kai Kara-Frans UFC chempionlik kamari uchun Aleksandre Pantoja bilan jangda mag‘lub bo‘lgach, u faoliyatini davom ettirish uchun yangi raqib qidirmoqda. Sports.kz sayti Cagesidepress.com nashriga tayanib xabar berishicha, unga Asu Almabayev va Ramazon Temirov o‘rtasidagi jang g‘olibi bilan to‘qnashish taklif etilgan.

“Kai uchun eng maqbul variant — Almabayev va Temirov jangi g‘olibi bilan jang qilish. Bu bellashuv 26 iyul kuni bo‘lib o‘tadi, vaqt jihatidan ham mos keladi. Asu reytingda 8-o‘rinda, Ramazon esa 13-o‘rinni egallab turibdi. Kaini ushbu g‘olib bilan to‘qnashtrish orqali UFC elitasi uchun yangi nomlar qo‘shilishi mumkin. Shuningdek, bu jang markaziy to‘qnashuv sifatida ham qiziqarli bo‘ladi”, — deb yozadi manba.

Manba ta’kidlashicha, Kara-Fransning ehtimoliy raqiblari sifatida Asu Almabayev va Ramazon Temirov jangi g‘olibi yoki Manel Kape nomzod sifatida ko‘rilmoqda.