Талабалар ўртасида жисмоний тайёргарлик синовлари ўтказилди
Тадбир жараёнлари ҳакамлар ҳайъати томонидан шаффоф ва холис баҳолаб борилди.
Бошқа спорт турлари
Sports24.uz'ни Google'га қўшиш
Фото: Андижон спорт бошқармаси
7-май куни Андижон давлат педагогика институти талабалари ўртасида “Жисмоний тайёргарлик даражасини аниқлаш” спорт синовлари ўтказилди.
Таъкидлаш жоизки, ушбу спорт синовлари талаба-ёшларнинг жисмоний тайёргарлик даражасини аниқлаш, уларни соғлом турмуш тарзига кенг жалб этиш, спортга бўлган қизиқишини янада ошириш ҳамда жисмоний фаолликни рағбатлантириш мақсадида ташкил этилди.
Унда талабалар фаол иштирок этиб, ўзларининг жисмоний имкониятлари, чидамлилиги ва чаққонлигини намоён этдилар.
Синовлар давомида иштирокчилар турли жисмоний машқларни бажариш орқали ўз маҳоратини синовдан ўтказдилар. Тадбир жараёнлари ҳакамлар ҳайъати томонидан шаффоф ва холис баҳолаб борилди.
Розикжон Султонмуродов
Журналист