Талабалар лигаси: Шахмат бўйича Республика финал босқичи ўтказилди

Тошкент кимё-технология институтида шахмат спорт тури бўйича Талабалар лигаси спорт мусобақаларининг Республика финал босқичи бўлиб ўтди. Мусобақада Тошкент шаҳри ҳамда ҳудудлардан ташриф буюрган жами 28 нафар олий таълим муассасалари талабалари ўзаро беллашди.

Тадбирда Ўзбекистон талабалар спорти ассоциацияси раиси ўринбосари Эркин Қодиров, Олий таълим, фан ва инновациялар вазирлиги Маънавият бошқармаси бошлиғи ўринбосари Алишер Исломов, Спорт вазирлиги масъул ходимлари иштирок этди.

Мусобақа якунларига кўра, эркаклар ўртасида умумжамоа ҳисобида:

1-ўрин — Навоий вилояти
2-ўрин — Қорақалпоғистон Республикаси
3-ўрин — Тошкент вилояти

Аёллар ўртасида умумжамоа ҳисобига кўра эса:

1-ўрин — Тошкент шаҳри
2-ўрин — Навоий вилояти
3-ўрин — Тошкент вилояти

Розикжон Султонмуродов

Журналист