Таиландда ўғил болалар ва қизлар ўртасида шахмат бўйича Осиё чемпионати давом этмоқда
Шу йилнинг 20–30 ноябрь кунлари Таиланднинг Бангкок шаҳрида шахмат бўйича 8–18 ёшгача ўғил болалар ва қизлар ўртасида 27-Осиё чемпионати бўлиб ўтмоқда.
Маълумот учун, ушбу чемпионат 2024 йилда Қозоғистонда ўтказилган бўлиб, унда Ўзбекистон терма жамоаси аъзолари 3 та медални қўлга киритган эди.
Мазкур мусобақада 32 мамлакатдан 700 нафар шахматчи иштирок этаётгани, шундан 36 нафари ўзбек шахматчилари эканлиги алоҳида эътиборга лойиқ.
Маълумот ўрнида, бу йилги чемпионатда Ўзбекистон шарафини ҳимоя қилаётган асосий таркиб вакиллари 2025 йил январь–февраль ойларида ўтказилган 8–18 ёшгача Ўзбекистон чемпионатининг стандарт йўналишида 2-ўринни эгаллаган шахматчилар ҳисобланади.
Мусобақада 1-, 2-, 3-ўринларни эгаллаган, шунингдек белгиланган рейтинг талабларини бажарган шахматчиларга Халқаро шахмат федерацияси (FIDE) томонидан халқаро унвонлар тўғридан тўғри берилади.
