Тахмина Икромова кўпкурашда Олимпиада чемпионини ортда қолдирди

Бошқа спорт турлари 27 апр 2025 да 03:19

Насрулло Каримов

Jurnalist

Тошкент мезбонлик қилаётган бадиий гимнастика бўйича Жаҳон кубоги босқичида дастлабки медаллар ўз эгаларига топширилди.

Қувонарлиси, кўпкураш дастурида германиялик Олимпиада чемпионидан яхшироқ натижа қайд этган ҳамюртимиз Тахмина Икромова олтин, гуруҳ машқида қатнашган қизларимиз Эвелина Аталянс, Мафтуна Зойирова, Аделя Файзулина, Мумтозабону Исҳоқзода, Амалия Мамедова ва Иродахон Содиқова эса кумуш медалга сазовор бўлишди.

Яккалик, кўпкураш:
1. Тахмина Икромова (Ўзбекистон)
2. Дарья Варфоломеев (Германия)
3. Лилиана Левинска (Польша)

Гуруҳ машқи, кўпкураш:
1. Польша
2. Ўзбекистон
3. Хитой

Бугун алоҳида машқлар бўйича ғолиб ва совриндорлар аниқланади.