Сузиш. Жаҳон чемпионати: Азизбек Бойназаров ва Сардор Баxtияров ҳал қилувчи босқичда

Пара сузиш бўйича Жаҳон чемпионати ўзининг ҳал қилувчи палласига кирди.

Бугун мусобақада Ўзбекистон терма жамоасининг уч нафар аъзоси чиқиш қилди. Эркаклар ўртасида S8 тоифасидаги 200 м масофага комплекс сузиш баҳсларида чиқиш қилган Азизбек Бойназаров 2:29.77 сонияда маррага етиб, умумий гуруҳда ҳам биринчи бўлди.

Сардор Баxtияров (S7) эса 50 м масофага эркин усулда сузиш дастурида 30.66 сония билан кейинги босқич масаласини ҳал қилди. 400 м масофага эркин усулда сузиш дастурида қатнашган ҳамюртимиз Богдан Биктимировга эса бироз омад етмагани аниқ, у маррага 4:34.82 сонияда етиб борди, бироқ бу финал чиптаси учун камлик қилди.

Иброҳим Жалолов

Редактор