Suzish. Jahon chempionati: Azizbek Boynazarov va Sardor Baxtiyorov hal qiluvchi bosqichda

Para suzish bo‘yicha Jahon chempionati o‘zining hal qiluvchi pallasiga kirdi.

Bugun musobaqada O‘zbekiston terma jamoasining uch nafar a’zosi chiqish qildi. Erkaklar o‘rtasida S8 toifasidagi 200 m masofaga kompleks suzish bahslarida chiqish qilgan Azizbek Boynazarov 2:29.77 soniyada marraga kelib, umumiy guruhda ham birinchi bo‘ldi.

Sardor Baxtiyorov (S7) esa 50 m masofaga erkin usulda suzish dasturida 30.66 soniya bilan keyingi bosqich masalasini hal qildi. 400 m masofaga erkin usulda suzish dasturida qatnashgan hamyurtimiz Bogdan Biktimirovga esa biroz omad yetishmadi, u marraga 4:34.82 soniyada yetib bordi, biroq bu final chiptasi uchun kamlik qildi.

Ibrohim Jalolov

Redaktor