Сузиш бўйича мураббийлар кенгаши асосий масалаларни муҳокама қилди
Сузиш бўйича мураббийлар кенгаши асосий масалаларни муҳокама қилди
Олимпия шаҳрининг Сув спорти саройида Ўзбекистон миллий терма жамоаси бош мураббийи Дмитрий Цутскарев бошчилигида сузиш бўйича мураббийлар кенгашининг йиғилиши бўлиб ўтди.
Йиғилишда бўлажак халқаро мусобақаларда иштирок этадиган жамоаларни шакллантириш ва уларнинг таркибини тасдиқлаш масалалари муҳокама қилинди. Иштирокчилар апрель ойида ўтказилиши режалаштирилган сузиш бўйича Ўзбекистон чемпионатини ташкил этишга алоҳида эътибор қаратишди.
Кун тартибидаги муҳим масалалардан бири – истиқболли спортчиларни саралаш тизими, ҳудудларда олиб борилаётган ишлар самарадорлиги муҳокама қилинди.
Йиғилиш сўнгида йиғинлар ва спортчиларни синовдан ўтказишда тартиб-интизомни сақлаш масалалари кўриб чиқилди.
