Suzish bo‘yicha murabbiylar kengashi asosiy masalalarni muhokama qildi
Suzish bo‘yicha murabbiylar kengashi asosiy masalalarni muhokama qildi
Olimpiya shahrining Suv sporti saroyida O‘zbekiston milliy terma jamoasi bosh murabbiyi Dmitriy Tsutskarev boshchiligida suzish bo‘yicha murabbiylar kengashining yig‘ilishi bo‘lib o‘tdi.
Yig‘ilishda bo‘lajak xalqaro musobaqalarda ishtirok etadigan jamoalarni shakllantirish va ularning tarkibini tasdiqlash masalalari muhokama qilindi. Ishtirokchilar aprel oyida o‘tkazilishi rejalashtirilgan suzish bo‘yicha O‘zbekiston chempionatini tashkil etishga alohida e’tibor qaratdilar.
Kun tartibidagi muhim masalalardan biri – istiqbolli sportchilarni saralash tizimi, hududlarda olib borilayotgan ishlar samaradorligi muhokama qilindi.
Yig‘ilish so‘ngida yig‘inlar va sportchilarni sinovdan o‘tkazishda tartib-intizomni saqlash masalalari ko‘rib chiqildi.
